فوٹو:فائل
کوئٹہ : بلوچستان میں دہشتگردوں نے ٹرین روک کرمسافریرغمال بنالئے،فائرنگ سے ڈرائیورزخمی ہوگیا،یہ واقع آج صبح پیش آیا،ٹرین کوئٹہ سے پشاورجارہی تھی، اطلاعات کے مطابق بولان میں ٹرین ٹنل میں کھڑی ہے، 400 مسافر یرغمال ہیں،اموات کی بھی اطلاعات ہیں ۔
دہشت گردوں نے مچھ کی پہاڑیوں میں ٹرین روک دی کوئٹہ سے پشاور جانے والی جعفر ایکسپریس پر نامعلوم افراد نے فائرنگ کی جب کہ مسافروں کو یرغمال بنانے کی اطلاعات ہیں۔
آج صبح ساڑھے نو بجے ٹرین کوئٹہ سے روانہ ہوئی، جب ٹرین پیرو گنڈالہ کے علاقے سے گزری تو وہاں نامعلوم مسلح افراد نے ٹرین پر فائرنگ کردی نتیجے میں ڈرائیور شدید زخمی ہے جسے اسپتال منتقل کردیا گیا ہے۔
مسافر ڈرے سہمے ہوئے ہیں جب کہ علاقے میں اب بھی فائرنگ کی آوازیں سنائی دے رہی ہیں۔
عینی شاہدین اور لیویز ذرائع کے مطابق گڈالہ اور پیرو کے درمیانی علاقے میں یہ فائرنگ ہوئی ہے جہاں جعفر ایکسپریس کو روک دیا گیا ہے اور مزید فائرنگ کی اطلاعات موصول ہورہی ہیں۔
ریلوے حکام کا بتانا ہے کہ جعفر ایکرپیس 9 بوگیوں پر مشتمل ہے اور ٹرین میں 400 سے زائد مسافر سوار ہیں، ٹرین آج صبح 9 بجے کوئٹہ سے روانہ ہوئی تھی۔
اس حوالے سے ترجمان بلوچستان حکومت شاہد رند کا کہنا ہے کہ کوئٹہ سے پشاور جانے والی جعفر ایکسپریس پر شدید فائرنگ کی اطلاعات ہیں، جعفر ایکسپریس پر دہشتگردوں نے فائرنگ کی، ایمبولینسز کو جائے وقوعہ کی جانب روانہ کردیا گیا ہے جبکہ سبی اسپتال میں ایمرجنسی بھی نافذ کردی گئی ہے۔
ڈی ایس ریلوے کے پی آر او کے مطابق تمام اسپتالوں میں ایمرجنسی نافذ کردی ہے،سبی سے ایمبولینسز جائے وقوع روانہ کردی ہیں۔
سیکیورٹی فورسز کے ذرائع کے مطابق یہ مچھ کی پہاڑیوں کا درمیانی علاقہ ہے جس کا سیکیورٹی فورسز نے محاصرہ کرلیا ہے، مزید کانوائے روانہ کردیے گیے ہیں۔
ملزمان کے فرار ہونے کی فی الحال کوئی اطلاعات نہیں ہیں بلکہ اطلاعات یہ آرہی ہیں کہ ملزمان نے مسافروں کو یرغمال بنالیا ہے اور قابض ہوکر بیٹھ گئے ہیں اور علاقے میں وقفے وقفے سے فائرنگ کا سلسلہ جاری ہے۔
اس حوالے سے سے الجزیرہ کی رپورٹ کے مطابق دہشتگردوں کی فائرنگ سے بعض اموات کی بھی اطلاعات ہیں اور بی ایل اے نے اس کارروائی کی ذمہ داری قبول کی ہے.
تبصرے بند ہیں.