فوٹو:فائل
اسلام آباد: سانحہ جعفر ایکسپریس کے خلاف قومی اسمبلی میں مذمتی قرارداد متفقہ منظور کرلی گئی۔یہ قرارداد وفاقی وزیر پارلیمانی امور طارق فضل چوہدری نے پیش کی۔
قومی اسمبلی میں منظورکی گئی قرارداد میں کہا گیاہے کہ ایوان جعفر ایکسپریس واقعے اور تمام دہشتگرد واقعات کی مذمت کرتا ہے۔
قرارداد میں کہا گیاہے کہ ایسے تمام نظریات جو قومی سلامتی کے متصادم ہیں انہیں پھیلنے کی اجازت نہیں دی جائے گی۔
قرارداد کے مطابق ملک کو عدم استحکام کا شکار کرنے والوں کے خلاف سخت کارروائی کی جائے گی، ایوان حادثے میں جاں بحق ہونے والے معصوم شہریوں کے ساتھ اظہارِ یکجہتی کرتا ہے، ایوان بہادر سیکیورٹی فورسز کی ستائش کرتاہے۔
متن کے مطابق ایوان بلا تفریق رنگ و نسل عوام سے دہشتگردی کے خلاف منظم ہونے کا اعادہ کرتا ہے۔
ایوان سیکیورٹی فورسز کے جوانوں کی قربانیوں کو قدر کی نگاہ سے دیکھتا ہے اور انتہا پسندی کی تمام اقسام کی مذمت کرتا ہے۔
یہ ایوان بلوچستان واقعے کے بعد نیشنل ایکشن پلان پر عمل درآمد کا مطالبہ کرتا ہے۔
تبصرے بند ہیں.