فوٹو: فائل
نیوساوتھ ویلز: سابق آسٹریلوی ٹیسٹ لیگ اسپنرمیک گل کوکین کےمقدمہ میں قصوروار قرار،انھیں رواں برس ہی سزا سنائے جانے کا امکان ہے۔
میڈیارپورٹس کے مطابق آسٹریلیا کے سابق ٹیسٹ کرکٹر اسٹیورٹ میک گل کو منشیات کیس میں قصور وار قرار دیدیا گیا ہے۔
آسٹریلوی میڈیا کے مطابق میک گل کیخلاف فیصلہ نیو ساؤتھ ویلز ڈسٹرکٹ کورٹ نے 8 روزہ ٹرائل کے بعد سنایا۔
اس مقدمہ میں جیوری نے کرکٹر کی جانب سے صرف 2 افراد کو متعارف کرانے کا دعویٰ بھی مسترد کیا۔
آسٹریلوی میڈیا کے مطابق اسٹیورٹ میک گل کوکین کی لین دین میں سہولت کاری میں ملوث پائے گئے۔
انہیں بہنوئی اور اسٹریٹ ڈرگ ڈیلر کے ساتھ سہولت کاری میں بھی قصور وار قرار دیا گیا ہے۔
آسٹریلوی میڈیا کا بتانا ہے کہ منشیات کا کیس 2021ء سے چلتا آرہا تھا تاہم اسٹیورٹ میک گل بڑے پیمانے پر ممنوعہ ڈرگ کے کاروبار میں ملوث قرار نہیں دیے گئے۔
کینگرو کھلاڑی نے تسلیم کیا ہے کہ وہ باقاعدگی سے آدھا گرام کوکین 200 ڈالرز میں خریدتے تھے۔
آسٹریلوی میڈیا کے مطابق میک گل کو رواں برس کے آخر میں سزا سنائی جاسکتی ہے۔
واضح رہے میک گل شہرہ آفاق سابق آسٹریلوی لیگ اسپنرشین وارن کے معاصرکرکٹرہیں اورانہی کے دورمیں شاندارباولنگ کے باعث آسٹریلوی ٹیم میں جگہ بنانے میں کامیاب رہے تھے تاہم وہ سیکنڈ چوائس رہے۔
تبصرے بند ہیں.