بجلی کی قیمت میں کمی کی اجازت مل گئی، اونٹ کے منہ میں زیرا، حکومتی دعویٰ غلط ہوگیا

فوٹو : فائل

اسلام آباد: حکومت کو بین الاقوامی مالیاتی فنڈ نے بجلی ٹیرف میں کمی کی اجازت دے دی، بجلی کی قیمت میں کمی کی اجازت مل گئی، اونٹ کے منہ میں زیرا، حکومتی دعویٰ غلط ہوگیا، حکومتی ذرائع نے بجلی کی قیمت میں 8 سے 10 روپے فی یونٹ کمی کا دعویٰ کیا تھا.

ذرائع کے مطابق آئی ایم ایف نے بجلی ٹیرف میں ایک روپے فی یونٹ کمی کی اجازت دی ہے، تمام صارفین کو بجلی کی قیمتوں میں ایک روپے فی یونٹ ریلیف ملے گا۔

یہ ریلیف کیپٹیو پاور پلانٹس پر لیوی سے حاصل ریونیو سے دیا جائے گا، کیپٹیو پاور پلانٹس کی جانب سے گیس کے استعمال پر لیوی عائد کی گئی ہے۔

حکومت کی جانب سے بجلی صارفین کے لیے ریلیف پیکیج پر بھی کام جاری ہے، جس کا اعلان آئی ایم ایف کی منظوری سے کیا جائے گا تاہم ذرائع کے مطابق زیادہ کمی کا امکان نہیں ہے.

پاکستان اور آئی ایم ایف کے درمیان ہونے والے اسٹاف لیول ایگریمنٹ (ایس ایل اے) کے تحت نئی کاربن لیوی متعارف کرانے پر بھی اتفاق ہوا ہے جبکہ بجلی کے نرخوں میں کمی کے ساتھ ساتھ پانی کی قیمتوں میں اضافے اور آٹو موبائل سیکٹر کو عالمی تجارت کے لیے کھولنے پر بھی اتفاق کیا گیا ہے۔