فوٹو : فائل
اسلام آباد : وٹس اپ سروس پاکستان سمیت دنیا کے مختلف ممالک میں کافی دیر تعطل کا شکاررہا، وٹس ڈیلور یا رسیو ہونے میں مشکلات درپیش ہیں، صارفین کو واٹس ایپ کے استعمال میں مشکلات کا سامناکرنا پڑ رہا ہے.
پاکستان سمیت دنیا کے مختلف ممالک میں صارفین کو کالنگ اور میسجنگ ایپ واٹس ایپ کے استعمال میں دشواری آرہی ہے۔
غیر ملکی میڈیا کے مطابق دنیاکے مختلف ملکوں میں صارفین کو واٹس ایپ میسج بھیجنے میں مشکلات پیش آرہی ہیں۔
غیر ملکی میڈیا کے مطابق واٹس ایپ صارفین کی جانب سے ایکس اور فیس بک سمیت دیگر سوشل میڈیا ایپس پر بتایا گیا کہ انہیں واٹس ایپ پر میسج بھیجنے اور اسٹیٹس اپلوڈ کرنے میں مشکلات پیش آرہی ہیں۔
پاکستان میں بھی صارفین کو واٹس ایپ کی سروس میں تعطل اور تاخیرکا سامنا ہے۔وٹس ایپ پر بھیجے گئے پیغامات دوسرےصارفین تک پہنچنے میں تاخیر ہوتی ہے یا ڈیلور ہی نہیں ہوتے۔
وٹس ایپ گروپ میں بھیجے گئے پیغامات، تصاویر، فوٹیجز بھی دوسرےصارفین تک نہیں پہنچ رہیں۔میٹا یا واٹس ایپ انتظامیہ کی جانب سے فوری طور پر اس خلل سے متعلق کوئی باضابطہ بیان جاری نہیں کیا گیا۔
غیر ملکی میڈیا کے مطابق کچھ صارفین نے فیس بک اور انسٹاگرام کے استعمال میں بھی اسی نوعیت کی مشکلات کا بتایا ہے۔یہ تینوں ایپس میٹا کمپنی کی ملکیت ہیں۔
تبصرے بند ہیں.