فوٹو : لاہور
لاہور : چھوٹے قد کے نامور کامیڈین اداکار جاوید کوڈو طویل علالت کے بعد انتقال کر گئے، ان کی وفات لاہور میں ہوئی ہے، ان کی عمر 63 برس تھی۔
اہل خانہ کے مطابق کامیڈین جاوید کوڈو بلڈ پریشر، شوگر سمیت مختلف بیماریوں میں مبتلا تھے اور جنرل اسپتال میں زیر علاج تھے۔
اداکار جاوید کوڈو نے بے شمار فلموں، اسٹیج اور ٹی وی ڈراموں میں کام کیا، وہ اپنے چھوٹے قد کی وجہ سے مقبول تھے۔انہوں نے تین بیٹے اور بیوہ کو سوگواران میں چھوڑا ہے۔
جاوید کوڈو کی برجستگی، فی البدیہہ جملے بازی لاجواب تھی، فلم اور ٹی وی کے حلقوں نے جاوید کوڈو کے انتقال پر گہرے دکھ اور افسوس کا اظہار کیا ہے.
تبصرے بند ہیں.