فوٹو : اسکرین شاٹ
پشاور : پشاور، لاہور اور کراچی کور ہیڈ کوارٹرز میں پاک فوج کے افسروں اور جوانوں کو اعزازات دینے کی تقاریب منعقد ہوئیں جہاں ان کی بہادری اور شاندار خدمات کے اعتراف فوجی اعزازات سے نوازا گیا، تقاریب میں پاک فوج کے اعلیٰ افسروں اور اعزازات حاصل کرنے والوں کے اہل خانہ کی بڑی تعداد نے شرکت کی.
آئی ایس پی آر کے مطابق پشاور میں کور کمانڈر پشاور لیفٹیننٹ جنرل عمر احمد بخاری نے اعزازات تقسیم کئے، دو شہید جونیئر کمیشنڈ آفیسرز اور 47 سپاہیوں کے رشتہ داروں نے تمغہ بسالت سے نوازا گیا.
شاندار خدمات سرانجام دینے پر 4 افسران کو ستارہ امتیاز (ملٹری) اور 11 افسران کو تمغہ امتیاز (ملٹری) سے نوازا گیا، لاہور میں کور کمانڈر لاہور لیفٹیننٹ جنرل فیاض حسین شاہ، ہلال امتیاز (ملٹری) نے اعزازات تقسیم کئے.
تین جونیئر کمیشنڈ آفیسرز اور چوبیس سپاہیوں کو مادر وطن کے لیے ان کی عظیم قربانیوں پر تمغہ بسالت سے نوازا گیا، 28 افسران کو ستارہ امتیاز (ملٹری) اور 72 افسران کو شاندار خدمات پر تمغہ امتیاز (ملٹری) سے نوازا گیا.
شہدا کے قریبی رشتہ داروں نے ان کے ایوارڈز بعد از مرگ وصول کئے، کراچی میں کور کمانڈر کراچی لیفٹیننٹ جنرل محمد اویس دستگیر تقریب کے مہمان خصوصی تھے.
کور کمانڈر نے شاندار خدمات پر 10 افسران کو ستارہ امتیاز (ملٹری)، 4 افسران کو تمغہ امتیاز (ملٹری) اور 16 سپاہیوں کو تمغہ بسالت سے نوازا، تینوں تقریبات میں شہدا کو بھرپور خراج عقیدت پیش کیا گیا اور قومی دفاع اور سلامتی کے لیے پاک فوج کے غیر متزلزل عزم کا اعادہ کیا گیا.
تبصرے بند ہیں.