فوٹو: فائل
پشاور : اسپیکرخیبرپختونخوا اسمبلی کو کلین چیٹ دینے کی رپورٹ پر نیا تنازعہ سامنے آگیاہے، کمیٹی کے ایک رکن نے بابرسلیم سواتی کو قصوروارقراردیا ہے۔
اس حوالے سے ڈان نیوز کی رپورٹ میں کہا گیاہے کہ اسپیکر خیبرپختونخوا اسمبلی بابر سلیم سواتی کیخلاف بدعنوانی کے الزامات پر پاکستان تحریک انصاف کی احتساب کمیٹی کے 2 ارکان کے فیصلے میں اختلاف پیدا ہوگیا۔
رپورٹ کے مطابق قاضی انور نے بابر سلیم سواتی کو کلیئر قرار دے دیا تو مصدق عباسی نے قصور وار قرار دیا، اختلاف کے باعث تیسرے ممبر شاہ فرمان کو فیصلہ کرنے کا اختیار دے دیا گیا۔
احتساب کمیٹی کے ممبر قاضی انور کی 7 صفحات پرمشتمل رپورٹ منظر عام پر آگئی، رپورٹ کے مطابق کمیٹی کے تیسرے رکن شاہ فرمان اسپیکر سے متعلق حتمی فیصلہ کریں گے۔
یاد رہے کہ سینئر پی ٹی آئی رہنما اعظم سواتی نے اسپیکر صوبائی اسمبلی بابر سلیم سواتی پر غیر قانونی بھرتیوں، ترقیاتی کاموں میں بدعنوانی کے الزامات لگائے تھے۔
پی ٹی آئی کی 3 رکنی احتساب کمیٹی نےانکوائری شروع کر رکھی تھی۔
واضح رہے سامنے آنے والی سات صفحات کی رپورٹ پر صرف ایک ممبرقاضی انورکے دستخط تھے جب کہ دوممبرز کے درمیان اختلاف کے بعد شاہ فرمان فیصلہ کن رائے دے کرابہام دور کرسکتے ہیں۔
تبصرے بند ہیں.