اسلام آباد: چیئرمین تحریک انصاف عمران خان کے قریبی ساتھی سینیٹر سیف اللہ نیازی اورحامد گرفتار، پی ٹی ائی سینیٹر کو سینیٹ کے احاطے سے گرفتارکیا گیا جب کہ ایپٹما کے وائس چیئرمین حامد زمان کو بھی حراست میں لے لیا گیاہے۔
ذرائع کے مطابق سینیٹر سیف اللہ نیازی کو ایف آئی اے سائبر کرائم کی جانب سے گرفتار کیا گیا ہے، سینیٹر سیف اللہ نیازی پر نامنظور ویب سائٹ چلانے کا الزام ہے۔
ان پر یہ الزام بھی ہے کہ وہ نامنظور ویب سائٹ کے زریعےغیر قانونی فنڈ ریزنگ کے لئے استعمال کرتے رہے ہیں۔
ایف آئی اے سائبر کرائم اس سے قبل سنیٹر سیف اللہ نیازی کے گھر ریڈ کر چکی ہے، سائبر کرائم کی جانب سے سیف اللہ نیازی کا لیپ ٹاپ اور موبائل فون قبضہ میں لیا گیا تھا۔
پاکستان تحریک انصاف کے رہنماوں اسد عمر، فواد چوہدری اور شہبازگل کی جانب سے سینیٹ کے احاطے سے گرفتاری بر سخت ردعمل سامنے آیاہے ۔
سینٹ کے احاطے سے سینیٹر کو اٹھا لیا گیا؟ ملک میں اتنی بڑی فسطائیت کبھی نازل نہیں ہوئ، اس سے زیادہ توھین پارلیمنٹ کی ہو نہیں سکتی، چیئرمین سینٹ کم از کم غیرت کا مظاہرہ کریں اور اس عمل کا نوٹس لیں https://t.co/q5x0OErFUz
— Ch Fawad Hussain (@fawadchaudhry) October 7, 2022
تحریک انصاف کے سیکرٹری جنرل اسد عمر نے اپنے ٹویٹ میں دعوی کیا ہے کہ سینیٹر سیف اللہ نیازی کو سینیٹ کے احاطے سے گرفتار کیا گیا ہے۔
سابق وزیر اطلاعات فواد چودھری نے ٹوئٹ میں لکھا کہ سینیٹ کے احاطے سے سینیٹر کو اٹھا لیا گیا؟ ملک میں اتنی بڑی فسطائیت کبھی نازل نہیں ہوئی، چیئرمین سینیٹ سینیٹر سے متعلق عمل کا نوٹس لیں۔
حال ہی میں رہائی پانے والے رہنما تحریک انصاف شہباز گل نے بھی سماجی رابطے کی ویب سائٹ ٹویٹر پر اپنے پیغام میں کہا کہ سینیٹر سیف نیازی کی سینیٹ کے احاطہ سے گرفتاری اس حکومت کی ایک اور سفاکانہ حرکت ہے۔
انھوں نے کہا یہ بات ایک بار پھر یہ ثابت کر رہی ہے کہ اس حکومت کے دن پورے ہو چکے اور ان کے پاس سوائے اپنے سیاسی مخالفین کو جیلوں میں ڈالنے کے اور کوئی بیانیہ نہیں رہ گیا۔
دوسری ایف آئی کی طرف سے سیف اللہ نیازی کی گرفتاری کی تردید سامنے آئی ہے اور ان کی طرف سے کہا گیا ہے کہ سیف اللہ نیازی کو گرفتار نہیں کیا۔
تبصرے بند ہیں.