فوٹو: اسکرین گریب
راولپنڈی: عمران خان کے ہیلی کاپٹر میں فنی خرابی،اڈیالہ میں ہنگامی لینڈنگ کرنا پڑی جس کے بعد چیئرمین پی ٹی آئی چند لوگوں کے ہمراہ پیدل چل پڑے۔
چیئرمین پی ٹی آئی ڈیرہ اسماعیل خان سے واپس آرہے تھے اس دوران ہیلی کاپٹر میں خرابی پیدا ہوگئی جس کے بعد ہنگامی لینڈنگ کرنا پڑی۔
خرابی کا اندازہ ہوتے ہی پائلٹ نے فنی خرابی پر ہیلی کاپٹر اڈیالہ گاوں کے قریب اتار لیا۔،اس دوران عمران خان اور ساتھی محفوظ رہے کوئی نقصان نہیں ہوا۔
اڈیالہ کے قریب علاقے میں ہیلی کاپٹر سے اترنے کے بعد عمران خان بذریعہ سڑک بنی گالہ روانہ ہوئے ، ہیلی کاپٹر سے اترنے کے بعد علاقے کے کچھ لوگ بھی اکٹھے ہوگئے۔
اس دوران نیچے کرکٹ کھیلنے والے نوجوان عمران خان کے قریب پہنچ گئے ایک نے اپنے بیٹ پر سابق وزیراعظم عمران خان سے آٹو گراف لیا۔
ا بعض چھوٹے بچوں نے بھی عمران خان سے ہاتھ ملایا ، عمران خان پیدل چلتے ہوئے تسبی پر ورد کرتے اور مسکراتے رہے جب کہ ان کے ہمراہ صرف تین چار سکیورٹی اہلکار تھے۔
عمران خان پیدل چلتے ہوئے بھی پرسکون دکھائی دیئے تاہم ان کے سکیورٹی گارڈز پریشان تھے اور ان کے چہروں سے ہوائیاں اڑی ہوئی تھیں،ایک بار ایک بچے کو بھی قریب جانے سے روکا گیا۔
اس دوران عمران خان کو لینے گاڑی پہنچ گئی جس کے بعد عمران خان بززیعہ سڑک بنی گالہ روانہ ہوئے، عمران خان کے ہمراہ گلوکار سلمان بھی تھے۔
عمران خان نے اڈیالہ کے علاقے میں مختصر قیام کے دوران بچوں سے گفتگو کی اور ان سے سکول سے متعلق دریافت کیا جب کہ لڑکے کرکٹ پر بات کرتے رہے۔
اس دوران چیئرمین پی ٹی آئی نے ان سے پوچھا کہ چوہدری نثار کی کیا پوزیشن ہے؟ لوگوں نے جواب دیا کہ ہم پی ٹی آئی کی وجہ سے غلام سرور کو ووٹ دیتے ہیں
تبصرے بند ہیں.