فوٹو: سوشل میڈیا
لندن: برطانیہ میں3 فٹ کا دلہا،5 فٹ کی دلہن، نام گنیز بک میں شامل ہوگیا، دونوں کی ایک بچی بھی ہے اورخوش زندگی گزاررہے ہیں۔
اس حوالے سےغیر ملکی میڈیا رپورٹس میں بتایا گیا ہے کہ برطانیہ سے تعلق رکھنے والے اس جوڑے کا نام گنیز بک آف ورلڈ ریکارڈ کے 2023 کے شمارے میں شامل کیا گیا۔
پست قامت شوہر 34 سال کے ہیں ،جیمز بچپن میں ایک ایسی بیماری کا شکار ہوئے جس میں انسان کی ہڈیوں اور اور پٹھوں کی افزائش نہیں ہپوپاتی، اس بیماری کو عام طور پر بونا پن کی بیماری کہا جاتا ہے۔
یہ منفرد قسم کا جوڑ ویلز میں رہتا ہے، جوڑے نے ثابت کر دیا کہ محبت میں ذات، مذہب، رنگ، شکل اور قد کاٹھ نہیں دیکھا جاتا اور وہ کامیاب زندگی بسر کررہے ہیں۔
جیمز اور کلوئی نے 2016 میں شادی کی تھی، 2 جون 2021 کو اس جوڑے نے یہ انوکھا ریکارڈ اپنے نام کیا تھا، 34 سالہ جیمز ایک اداکار اور ٹی وی میزبان تھے۔
جب کہ 27 سالہ کلوئی سکول ٹیچر تھیں،رپورٹ کے مطابق جیمز نے چرچ میں والد کے حکم پر اپنی بیوی کلوئی کو چومنے کے لیے سیڑھی کا استعمال کیا۔
دونوں 2012 میں ایک پب میں ایک دوسرے سے ملے تھے، جیمز ڈیسٹروفک ڈیسپلاسیا کے ساتھ پیدا ہوئے تھے، اس بیماری کی وجہ سے وہ بونے پن کا شکار ہو گئے۔
2021 میں ورلڈ ریکارڈ بنانے کے بعد جیمز نے کہا تھا کہ میں تمام کام دوسرے شوہروں کی طرح کرتا ہوں، بس اسے انجام دینے کا طریقہ مختلف ہے۔
ساتھ ہی بیوی کلوئی نے کہا کہ کسی بھی کتاب کو اس کے سرورق سے نہیں پرکھنا چاہیے،آپ یہ نہیں چنتے کہ کس سے پیار کرنا ہے، محبت بس ہوتی ہے۔
گنیز ورلڈ ریکارڈ نے اپنے سوشل میڈیا اکاؤنٹ پر اس منفرد جوڑے کی کچھ تصاویر شیئر کی ہیں جو تیزی سے وائرل ہو رہی ہیں، اس جوڑے کی ایک خوبصورت تین سالہ بیٹی بھی ہے جس کا نام اولیویا ہے۔
تبصرے بند ہیں.