پاکستان کے جوہری ہتھیار میں کوئی باضابطگی اور ہم آہنگی نہیں،امریکی صدر

فائل:فوٹو

واشنگٹن: امریکی صدرجو بائیڈن نے کہا ہے پاکستان کے جوہری ہتھیار میں کوئی باضابطگی اور ہم آہنگی نہیں،امریکی صدرنے پاکستان پر دنیا کا خطرناک ترین ملک  ہونے کا الزام لگا دیا۔

واشنگٹن میں ڈیموکریٹک کانگریشنل کیمپین کمیٹی سے خطاب کرتے ہوئے امریکی صدر جو بائیڈن نے پاکستان کو خطرناک ترین ملک قرار دیا۔

 ان کا کہنا تھا کہ بہت کچھ ہورہا ہے لیکن اس میں امریکا کے لیے مواقع بھی ہیں کہ وہ صورتحال کو تبدیل کرسکے۔

جوبائیڈن نے کہا کہ روس میں کیا ہورہا ہے اور دنیا کے خطرناک جوہری ممالک میں سے ایک پاکستان میں کیا ہورہا ہے اور امریکا کو کس طرح اس سب کو دیکھنا اور ہینڈل کرنا ہے یہ اہم ہے۔

امریکی صدر نے  یہ سوال اٹھا یا کہ کیا آپ میں سے کسی نے کبھی سوچا ہے کہ آپ کے پاس کوئی روسی رہنما ہوگا، کیوبا کے میزائل بحران کے بعد، جو ٹیکٹیکل جوہری ہتھیاروں کے استعمال کی دھمکی دیتا ہے۔

کیا کسی نے سوچا تھا کہ ہم ایسی صورت حال میں ہوں گے جہاں چین روس کے حوالے سے اور بھارت کے حوالے سے اور پاکستان کے حوالے سے اپنا کردار جاننے کی کوشش کر رہا ہے؟

یوکرین پر روس کے حملے اور دنیا پر اس کے اثرات کے ساتھ ساتھ دیگر ممالک کے ساتھ امریکا کے تعلقات بات کی۔ انہوں نے کہا کہا دنیا اتنی تیزی سے بدل رہی ہے کہ قابو سے باہر ہوتی جارہی ہے

امریکی صدر نے اس بات کی بھی وضاحت کی کہ یہ کسی ایک فرد یا ایک قوم کی وجہ سے نہیں ہورہا،امریکی صدر نے کہا کہ پاکستان دنیا کے خطرناک ترین ملکوں میں سے ایک ہے جس کا ایٹمی پروگرام بے قاعدہ ہے۔

جوبائیڈن نے کہا کہ جتنا وقت انہوں نے چین کے صدر شی جن پنگ کے ساتھ گزارا ہے اتنا وقت شائد ہی امریکا کے کسی سربراہ مملکت نے گزارا ہو۔

 بائیڈن نے کہا چین کے صدر کے ساتھ 78 گھنٹے گزارے جن میں سے 68 گھنٹے ہم اکیلے تھے،جو بائیڈن نے کہا کہ شی جن پنگ اچھی طرح جانتے ہیں کہ انہیں کیا چاہیے لیکن ان کے پاس مسائل بہت ہیں۔