فوٹو: فائل
میلبرن: ٹی ٹوئنٹی کرکٹ ورلڈ کپ 2022 کا میگا ایونٹ آج سے شروع،پہلے دن 2 میچ ہورہے ہیں، گزشتہ روز کپتانوں نے فوٹو شوٹ کیا تھا۔
آئی سی سی ٹی ٹوئنٹی ورلڈکپ 2022 کے پہلے مرحلے میں کوالیفائینگ راؤنڈ کھیلا جائے گا،دو مرتبہ کی فاتح ویسٹ انڈیز اور ایشیئن چمپئن سری لنکا بھی کوالیفائی راونڈ کھلیں گی۔
عالمی کرکٹ کے مختصر ترین فارمیٹ کا سب سے بڑا اعزاز اپنے نام کرنے کے لیے 16 ٹیموں کے درمیان مقابلوں کا آج سے آسٹریلیا میں آغاز ہورہا ہے۔
عالمی کپ کے پہلے مرحلے میں دو گروپس میں تقسیم 8 ٹیمیں سپر 12 راؤنڈ میں جگہ بنانے کے لیے مقابلہ کریں گی جہاں 8 ٹیمیں اپنی رینکنگ کی بنیاد پر پہلے ہی موجود ہیں۔
پہلے راؤنڈ میں نمیبیا، نیدرلینڈز، سری لنکا اور متحدہ عرب امارات (یو اے ای) گروپ اے جبکہ آئرلینڈ، زمبابوے، ویسٹ انڈیز اور اسکاٹ لینڈ گروپ بی میں شامل ہیں۔
Fun photoshoots ?
Birthday celebrations ?
Epic selfie ?A lot happened when the 16 #T20WorldCup captains met in Melbourne ?https://t.co/FNxw96TDxT
— ICC (@ICC) October 15, 2022
ایونٹ کا پہلا میچ پاکستانی وقت کے مطابق صبح 9 بجے سری لنکا اور نمیبیا کے درمیان ہوگا جبکہ دن ایک بجے متحدہ عرب امارات اور نیدرلینڈز کی ٹیمیں آمنے سامنے ہوں گی۔
ایونٹ کے آغاز سے قبل میلبرن میں آفیشل ٹرافی سیشن ہوا جس میں پاکستانی کپتان بابر اعظم سمیت تمام ٹیموں کے قائدین موجود تھے،اس موقع پر بابراعظم کی سالگرہ کا کیک بھی کاٹا گیا
تبصرے بند ہیں.