فائل:فوٹو
اسلام آباد: وزیراعظم شہباز شریف نے کہا ہے کہ موسمیاتی تبدیلیوں کی وجہ سے عالمی سطح پرغذائیت سے بھرپور خوراک کی قلت کا خدشہ ہے جس سے پاکستان بھی متاثر ہوگا۔
خوراک کے عالمی دن کے موقع پر جاری اپنے پیغام میں وزیراعظم نے کہا کہ حالیہ تباہ کن سیلاب نے لاکھوں ایکڑ پر تیار فصلوں کو تباہ کر دیا، پاکستان جیسے زرعی ملک کو بھی اس نقصان کے ازالے کیلئے اشیاء خوردنوش درآمد کرنا پڑیں گی۔
وزیراعظم نے کہاکہ آج خوراک کا عالمی دن دنیا کے مختلف ممالک کے غذائی تحفظ کو یقینی بنانے کیلئے مجموعی عالمی اقدامات کی اہمیت اجاگر کرتا ہے۔
انہوں نے کہاکہ موسمیاتی تبدیلی کی وجہ سے قدرتی آفات اور عالمی منڈی میں بڑھتی ہوئی قیمتوں سیغذائیت سیبھرپور خوراک، جس کی پہلے سے ہی کمی تھی عالمی سطح پراسکی مزید قلت کا خدشہ ہے۔
وزیراعظم کاکہناتھاکہ موسمیاتی تبدیلیوں نے ہماری زندگیوں پرکئی طریقیسے منفی اثرات مرتب کیے، جس کیوجہ سے عالمی سطح پرغربت اور بھوک میں اضافہ سر فہرست ہے۔
تبصرے بند ہیں.