فائل:فوٹو
بیجنگ:اگرچہ مادی اشیا سے والہانہ لگاوٴ کوئی بہت اچھی بات نہیں لیکن بسااوقات کچھ آلات ہماری زندگی کی یادوں سے جڑے ہوتے ہیں کیونکہ ہمیں اپنی پہلی گاڑی یا اولین فون بھی یاد رہتا ہے۔
آج کل موبائل فون، ویڈیو گیم اور ٹیبلٹ وغیرہ بسااوقات جذباتی وابستگی بن جاتے ہیں اسی بنا پر اب چین میں موبائل، ویڈیو گیمز، ٹیبلٹ، پسندیدہ آلات دفنانے کی سروس، کروڑوں کی کمائی، یہ سروس تیزی سے مقبول ہو رہی ہے، اس میں آپ کے دیرینہ ساتھی اور پسندیدہ آلات ٹوٹنے کی شکل میں انہیں ایک فریم میں رکھ کر آخری آرام گاہ بنائی جاتی ہے۔
اسی کو دیکھتے ہوئے چینی خاتون لنژائی نے 2019 میں گیجٹ فیونرل یا برقی آلات کے جنازے کی سروس شروع کی، انہوں نے بڑی محنت سے برقی آلات کو بکھیر کر فریم میں رکھنے کی مشق کی اور پھر اپنی سروس شروع کر دی، ان کا کہنا ہے کہ کہ اپنے پرانے فون نہ کھوئیں بلکہ مجھے ڈیزائن کرنے کا موقع دیں۔
پہلے سال انہیں دوسو آرڈر ملے جنہیں مکمل کرنے میں چھ ماہ کا عرصہ لگا، ان میں 1970 کا موٹرولا فون، ایک نوکیا 3650 ماڈل، ایک نایاب فون اور ایک گھڑی شامل تھی، اس کے بعد اب تک انہیں سب سے زیادہ اسمارٹ فون ہی مل رہے ہیں۔
اس تکنیک میں برقی آلات کو احتیاط سے کھولا جاتا ہے، اس کے پرزہ جات کو خوبصورت انداز میں چسپاں کیا جاتا ہے جس میں بہت محنت اور صبر کی ضرورت ہوتی ہے، تمام آلات ایک فریم میں رکھ کر اسے ایک یادگار تصویر کی طرح بنا دیا جاتا ہے۔
ایک اور فنکار چین ژنگائی صبح آٹھ سے رات بارہ بجے تک آلات کی آخری آرام گاہ بناتے ہیں اور سال میں دو سے تین کروڑ روپے کماتے ہیں، ان کے مطابق یہ عمل خود بہت ماحول دوست بھی ہے۔
تبصرے بند ہیں.